“Улаанбаатар их дуулга-2026” тэмцээний  эмэгтэйчүүдийн 52 кг-ын жинд олимпын аварга, дэлхийн аваргын таван түрүүтэй Абэ Үта түрүүллээ. Тэрбээр 12 дахь их дуулгадаа түрүүлсэн нь энэ юм. Мөн олон улсын тэмцээнүүд дэх түүний дараалсан ялалтын тоо 17-д хүрлээ. Харин 2024 оны дэлхийн аварга, олимпын наадмын мөнгө, хүрэл медальт Жиуффрида Одетте бэртлийн улмаас шигшээ барилдаанд гарч ирээгүй тул мөнгөн медаль зүүхээр болов.

    Энэ жингийн хүрэл медалийг АНЭУ-ын легионер тамирчин, ОУХМ Бишрэлтийн Хорлоодой, Унгарын Пупп Рэка нар хүртсэн. Пупп Рэкагийн хувьд, нутаг нэгт Роза Дьэртьашийг ялж, “Улаанбаатар-2026” их дуулгын хошой хүрэл медальтай боллоо. ОУХМ Б.Хорлоодой, Испанийн Ариане Торо Солерийг нэмэлт цагт буулган авч эх орныхоо дэвжээнээс их дуулга ангиллын тав дахь медалиа хүртсэн юм.

52 кг-ын дүн:

1. Абэ Үта (Япон) алт.

2. Жиуффрида Одетте (Итали) мөнгө

3. Бишрэлтийн Хорлоодой (АНЭУ)  хүрэл

3. Рэка Пупп (Унгар)  хүрэл

Шагналт байр:

5. Роза Дьэртьаш (Унгар)

5. Ариане Торо Солер (Испани)

7. Маша Баллхаус (Герман)

7. Наоми Ван Кревел (Нидерланд).