Олимпын наадмын эрхийн оноо олгох “Улаанбаатар 2026” их дуулгын  эрэгтэйчүүдийн 60 кг-ын шигшээ барилдаанд  Азербайжаны Балабей Агаев, 2025 оны дэлхийн аварга Рюжю Нагаямаг буулгаж авлаа. Ийнхүү тэрбээр их дуулгын зургаа дахь алтан медалиа Улаанбаатарын дэвжээнээс шуугиантайгаар хүртэж, 2028 оны олимпын наадамд хүрэх эрхийн эхний оноогоо цуглуулав.

    Харин энэ жинд манай тамирчин ОУХМ Бямбасүрэнгийн Сүхбат, Израилийн Ижак Ашпиз нар хүрэл медалийн эзэн боллоо. Б.Сүхбат медалийн төлөөх барилдаандаа 2024 оны дэлхийн аварга, Гүржийн Гиорги Сардалашвилиг ялсан. Тэрбээр "Улаанбаатар-2026” их дуулга тэмцээнээс хоёр жил дараалан хүрэл медаль хүртсэн нь энэ юм.

60 кг-ын дүн:

1. Балабей Агаев (Азербайжан) алт.

2. Рюжю Нагаяма (Япон) мөнгө.

3. Бямбасүрэнгийн Сүхбат (Монгол) хүрэл.

3. Ижак Ашпиз (Израиль)  хүрэл.