Монгол Улсын Ерөнхийлөгчийн ивээл дор болж буй жүдо бөхийн Улаанбаатарын “Их дуулга” тэмцээн эхэллээ. Тэмцээний эхний өдөр 48 кг-ын жинд эхний барилдаанаа хийсэн олимпын мөнгөн медальт, дэлхийн аварга, МУГТ Б.Баасанхүү, ОУХМ Г.Наранцэцэг нар ялалт байгууллаа.

    МУГТ Б.Баасанхүү “А” хэсгийн нэгдүгээр тойрогт Нидерландын Amber GERSJES-ийг ялсан. Хоёрдугаар тойрогт Бельгийн Lois PETIT-тэй барилдана. Хэрэв түүнийг ялж чадвал “А” хэсгийн аваргын төлөө барилдах эрхтэй болно.

    ОУХМ Г.Наранцэцэг “С” хэсгийн нэгдүгээр тойрогт “Токио-2020” олимпын V байрын шагналт Португалийн Catarina  COSTA-г ялсан. Хоёрдугаар тойрогт Казахстаны Diana BURKEYEVA-тай барилдана. Хэрэв түүнийг ялах юм бол “С” хэсгийн аваргын төлөө Ж.Анударь, Туркийн Tugce BEDER нарын хэн ялсантай барилдах боломж нээгдэнэ.

    Харин эрэгтэй 60 кг-ын жиндОУХМ  Э.Ариунболд Казахстаны бөхөд ялагдсан бол ОУХМ Б.Сүхбат Хятадын бөхийг ялсан. Хоёрдугаар тойрогт Өмнөд Солонгосын Ли Харимтай барилдана.