Дэлхийн бөхийн нэгдсэн холбоо (UWW) Монгол үндэсний бөхийн өв соёл, уламжлалыг таниулах баримтат нэвтрүүлэг хийж эхэлжээ. Тус нэвтрүүлэг  удахгүй өөрийн албан ёсны сувгуудаар цацагдах гэж байна. Баримтат нэвтрүүлэгт ДАШТ-ий мөнгө, хүрэл медальт, Ази тивийн аварга, МУГТ М.Лхагвагэрэл болон ДАШТ-ий мөнгө, хүрэл медальт, Азийн наадмын аварга, МУГТ Т.Тулга нарын шилдэг бөхчүүд оролцож байна.

    Дэлхийн бөхийн нэгдсэн холбоо (UWW) нэвтрүүлгийн гол зорилго нь Монгол үндэсний бөхийн олон зуун жилийн баялаг түүх, өвөрмөц ёс заншил, соёлыг дэлхий дахинд сурталчлан таниулах юм. Нэвтрүүлэг UWW (United World Wrestling) холбооны хоёр сая гаруй дагагчтай албан ёсны сошиал хуудсаар тун удахгүй дэлхий нийтэд цацагдана.