Тайванийн шинэ Тайпэй хотод 2026 оны зургаадугаар сарын 6-7-ны өдрүүдэд  “New Taipei City Athletics Open-2026” олон улсын нээлттэй тэмцээнд болов. Энэ удаагийн тэмцээнд Монголын хөнгөн атлетикчид амжилттай оролцлоо. Тус тэмцээнд МУБИС-ийн Биеийн тамир, спортын сургуулийн төгсөгч, спортын мастер, Монгол Улсын гурвын харайлтын рекорд эзэмшигч, “Үчимбэр” клубийн тамирчин Энхбатын Оюундарь эмэгтэйчүүдийн гурвын харайлтын төрөлд 12.57 метрийн амжилт үзүүлж мөнгөн медаль хүртэв. Тэрбээр мөн уртын харайлтын төрөлд 5.62 метр харайсан амжилт үзүүллээ.

    “New Taipei City Athletics Open-2026” тэмцээн нь Дэлхийн хөнгөн атлетикийн холбооны (World Athletics) континенталь турын мөнгөн зэрэглэлийн (Silver Label) ангилалд багтдаг олон улсын чанартай томоохон тэмцээн юм. Энэхүү тэмцээнд МУБИС-ийн БТС-ийн спортын ганцаарчилсан төрлүүдийн тэнхимийн багш, хөнгөн атлетикийн спортын мастер А.Амгалан, “Үчимбэр” клубийн дасгалжуулагч Г.Жанцандорж нарын удирдлага дор МУБИС-ийн БТС-ийн оюутнууд оролцож дараах амжилтыг үзүүллээ.

    Монгол Улсын эмэгтэйчүүдийн 200 метрийн зайн үндэсний рекорд эзэмшигч, спортын мастер Ц.Мөнххэрлэн 400 метрийн зайд 57.14 секунд, 200 метрийн зайд 25.21 секунд, спортын мастер С.Идэрхүү 400 метрийн зайд 49.41 секунд, 200 метрийн зайд 22.79 секундын амжилт үзүүллээ.