Монгол Улсын Оюутны чирлидингийн шигшээ баг 2026 оны зургадугаар сарын 5–7-ны өдрүүдэд Швед Улсын Гётеборг хотноо зохион байгуулагдах “FISU WUC Cheerleading-2026” тэмцээнд эх орноо төлөөлөн оролцож байна. Тус баг нь Монголын их, дээд сургуулиудын шилдэг 16 оюутан тамирчин болон хоёр дасгалжуулагч, нэг багийн албаны төлөөлөгчөөс бүрдэж байна.

    Манай баг тамирчид “Double Hip Hop”, “Double Pom”, “Team Pom” гэсэн гурван төрөлд өрсөлдөнө. Энэхүү нэр хүндтэй тэмцээнд дэлхийн 16 орны оюутан тамирчид оролцож, ур чадвар, авьяас билэг, багийн ажиллагаагаараа өрсөлдөхийн зэрэгцээ олон улсын нөхөрлөл, спортын үнэт зүйлсийг түгээн дэлгэрүүлэх юм.