Соёл, спорт, аялал жуулчлал, залуучуудын яам, Засгийн газрын хэрэгжүүлэгч агентлаг Биеийн тамир, спортын улсын хороо, Дархан-Уул аймгийн Засаг даргын Тамгын газар хамтран биеийн тамир, спортын салбарын  улсын зөвлөгөөнийг хийж байна.  Мөн салбарын албан хаагчдын дунд спортын долоон төрөлт тэмцээнийг 2025 оны аравдугаар сарын 10-12-ны өдрүүдэд Дархан-Уул аймагт зохион байгуулж байна.

     Өчигдөр “Биеийн тамир, спортын удирдлага, зохион байгуулалтын асуудал”, “Биеийн тамирын хөгжлийн асуудал”, “Спортын тэмцээн, наадам, олимпын бэлтгэл сургуулилалт” сэдвээр гурван салбар хуралдаан зохион байгууллаа. Салбар хуралдаанаас гарсан саналуудыг нэгтгэн дүгнэж, нэгдсэн хэлэлцүүлэг өрнүүлж, биеийн тамир, спортын хөгжлийн үндэсний зөвлөмжийг танилцуулна.