Итали Улсын Жесоло хотод “IFT” таеквондо-гийн дэлхийн аварга шалгаруулах тэмцээний тав дахь өдрөө өнөөдөр үргэлжилнэ. ДАШТ-ий дөрөв дэх өдөр өчигдөр аравдугаар сарын 10-ны өдөр эрэгтэйчүүдийн “INDIVIDUAL POWER TEST” хатуу биет хугалах төрөлд 27 орны тамирчид өрсөлдөж Монгол Улсын шигшээ багийн тамирчин ОУХМ Батсуурийн Мөнх-Оргил мөнгөн медаль хүртэв.

     Мөн эмэгтэйчүүдийн “INDIVIDUAL POWER TEST” хатуу биет хугалах төрөлд Монгол Улсын шигшээ багийн тамирчин ОУХМ Цогоогийн Дэлгэрцэцэг хүрэл медаль авлаа. Харин эмэгтэйчүүдийн багийн хатуугийн төрөлд Ц.Дэлгэрцэцэг, М.Мөнхжаргал, Н.Энхнаран, Б.Амаасүрэн нар аваргын алтан медаль хүртлээ.

     Эрэгтэйчүүдийн багийн багийн хатуугийн төрөлд Э.Энхтөр, Т.Болдзориг, Г.Оюунболд, Б.Мөнх-Оргил нар мөнгөн медаль хүртсэн амжилттайгаар ДАШТ-ий дөрөв дэх өдөрлөв.