Монголын үндэсний бөхийн холбооны “Алтан Цом”-ын барилдаанд оролцогч багийн эзэд, төлөөллүүдтэй энэ жилийн барилдааны журам, онцлог, зохион байгуулалтын талаарх нэгдсэн уулзалтыг өчигдөр аравдугаар сарын 9-ний өдөр “Монгол бөхийн өргөө”-нд зохион байгууллаа.

    Уулзалтад Үндэсний шилдэг компаниуд “ЭМ СИ ЭС” групп, “ЭНЕРЖИ   РЕСУРС” ХХК, “НУТГИЙН БУЯН ГРУПП” ХХК, “МИГ ДААТГАЛ”  ХХК, “ХАТАНТ ИНТЕРНЭШНЛ” ХХК , “АЛСЫН ЗАМ” ХХК, “АПУ & ШУНХЛАЙ” групп, “НОРД РОУД” ХХК, “ОД ” группийн төлөөллүүд оролцож тэмцээний журмыг урьдчилсан байдлаар хэлэлцэж баталлаа.

Үүнд:

Баг тус бүр найман гишүүнтэй байх.

Үндэсний компаниуд гурван бөхийг багтаа авах, таван бөхийг сугалаагаар сонгох.

Багууд тойргоор барилдаж хамгийн олон даваа авсан дөрвөн баг “Плэй офф”-ийн шатанд шалгарч, финалын шатанд 1-3-р байрын төлөө өрсөлдөх.

Шагналын сан 1 тэрбум, 500 сая төгрөг байх.

Монгол үндэсний бөхийн сурталчилгааны хүрээнд зарим тойргийн барилдааныг хилийн чанадад зохион байгуулж болох.

Улиралд нэг удаа урлаг, спорт, бусад салбарынхан оролцсон “ОДДЫН БАРИЛДААН” зохион байгуулагдах.

Багууд сонгосон бөхчүүдийнхээ нэрсийг аравдугаар сарын 13-ны өдрийн дотор ирүүлэх.

Баг бүрдүүлэх сугалааны үйл ажиллагаа аравдугаар сарын 20-ны даваа гарагт хийхээр тогтлоо.