Чөлөөт бөхийн эмэгтэйчүүдийн VI удаагийн дэлхийн форум Монгол Улсад аравдугаар сарын 8-10-ны өдрүүдэд зохион байгуулагдаж байна. Уг арга хэмжээг Монголын чөлөөт бөхийн холбоо, Дэлхийн нэгдсэн бөхийн холбоо, Монголын үндэсний олимпын хороотой хамтран зохион байгуулж байгаа юм.

    Монгол Улсын нийслэл Улаанбаатар хотод нийт 30 орчим орны 35 төлөөлөл цуглаж чөлөөт бөхийн спортын эмэгтэйчүүдийг дэмжих, ирээдүйн удирдагч, манлайлагч нарыг бэлдэх тал дээр санал солилцож, сургалт семинар зохион байгуулж байна.

   Энэ удаагийн форумд Дэлхийн нэгдсэн бөхийн холбооны дэд ерөнхийлөгч Наталия Яригина болон Родика Ягши, протокол хариуцсан дарга Өндер Ягши, Азийн бөхийн холбооны ерөнхийлөгч Мухамед Авемлэ, Азийн бөхийн холбооны ЕНБД Кеннет Ли, ДНБХ-ны удирдах зөвлөлийн гишүүд П.Буяндэлгэр, Чоплон Султанбекова нарын тэргүүтэй хүндэт зочид оролцож байгаа юм.