Итали Улсын Есоло хотод “ITF” Олон улсын таеквондо-гийн дэлхийн аварга шалгаруулах тэмцээн үргэлжилж байна. Өчигдөр ДАШТ-ий эрэгтэй багийн хатуу биет хугалах төрөлд Монгол Улсын эрэгтэй баг алтан медаль хүртлээ.  Манай улсын насанд хүрэгчдийн эрэгтэй багийн бүрэлдэхүүнд Н.Цолмон, Б.Отгонбаяр, А.Дөлгөөн, Э.Эрдэнэбаяр, Ж.Түмэндэлгэр, Ц.Өлзийхүү нар оролцож өрсөлдсөн юм.  Таеквонд-гийн 23 дахь удаагийн ДАШТ тэмцээн 2025 оны аравдугаар сарын 7-12-ны өдрүүдэд болж өндөрлөнө. Монгол Улсын тамирчид одоогоор насанд хүрэгчдийн ДАШТ-ээс долоон медаль хүртээд байна.

Түлийн төрөлд медаль хүртсэн тамирчид:

Ц.Дэлгэрцэцэг /4th Dan Pattern/ мөнгө

Б.Оюунжаргал /3th Dan Pattern/ мөнгө

А.Мөнхбаяр /2nd Dan Pattern/ мөнгө

М.Мөнхжаргал /1st Dan Pattern/ мөнгө

Г.Намуунаа /2nd Dan Pattern/ хүрэл

И.Тамир /2nd Dan Pattern/ хүрэл

Өсвөрийн эмэгтэй багийн түль:

Г.Намуунаа, М.Хүслэн, Я.Хүслэн, Х.Шинэ-Учрал, Н.Номинжин, О.Маралжингоо нар хүрэл медаль тус тус хүртлээ.