Норвегийн Форде хотод хүндийг өргөлтийн ДАШТ эхэллээ. Энэ удаагийн ДАШТ-д 87 орны 420 гаруй тамирчин оролцож байна.  Харин Монгол Улсаас харамсалтай нь нэг ч туйванчид оролцохгүй.  Үндэсний  шигшээ багийн тамирчид дэлхийн аваргад оролцох зардал мөнгөний асуудлаас болоод оролцож чадсангүй. Гэхдээ олон улсын шүүгч Л.Одгэрэл үүргээ нэр төртэйгээр гүйцэтгэж байна.

    Тус тэмцээнийг 44 шүүгч дэнсэлж байгаагийн нэг нь ОУХМ Л.Одгэрэл юм. Тэр Ази тивийг төлөөлж буй дөрвөн эмэгтэй шүүгчийн нэг. Шинэ жингийн ангиллаар болж буй тус тэмцээнд одоогоор эмэгтэйчүүдийн 48 кг-ын жинд Хойд Солонгосын тамирчин дэлхийн дээд амжилтыг шинэчлэн тогтоож, алтан медаль хүртээд байна.

    Эмэгтэйчүүдийн ангилалд хамгийн хүчтэй өрсөлдөгчийн тоонд Хятад, Хойд Солонгосын баг орж байгаа юм. Тэгвэл Хятадын шигшээ 100 хувь шинэ залуу тамирчдыг Форде хотруу илгээсэн байна. Тэмцээн аравдугаар сарын 11-ний өдөр өндөрлөнө.