Монголын волейболын холбоо нь үе үеийн ахмад мастерууд, багш дасгалжуулагчид, гавьяатууд, холбооны удирдлагуудаа хүлээн авч “АХМАДЫН БАЯР”-аа өргөн дэлгэр сайхан тэмдэглэж гарын бэлэг гардууллаа.

       2025 оны аравдугаар сарын 2-ны өдөр болсон тус ахмадын баярт Монголын волейболын холбооны ерөнхийлөгч асан С.Ламбаа, ерөнхий нарийн бичгийн дарга асан Ж.Баасанхүү, анхны шигшээ багийн тамирчин, хүний гавьяат эмч С.Ёндонцоо, гавьяат дамгалжуулагч Д.Халзан нарын хүндэт зочид иржээ.

     Мөн Монгол Улсын гавьяат дасгалжуулагч Б. Уранчимэг, гавьяат багш Д.Солонго, гавьяат тамирчин Баатархүрээ, гавьяат багш доктор Н. Содномдорж,гавьяат дасгалжуулагч Д. Баасансүрэн, гавьяат дасгалжуулагч Н.Чулуунбаатар, үйлчилгээний гавьяат ажилтан Л. Амгалан гэх мэт олон сайхан волейболын спортын мастерууд болон МВХ-ны үе үеийн удирдлагууд хүрэлцэн ирсэн юм.