НҮБ-ын ерөнхий ассамблей 1992 оноос эхлэн жил бүрийн аравдугаар сарын 1-ний өдрийг Олон улсын ахмадын өдөр болгон тунхаглаж, манай улс 1992 оноос эл өдрийг тэмдэглэн өнгөрүүлж буй. Өчигдөр энэхүү баярын өдрийг угтан Биеийн тамир, спортын улсын хорооноос гавьяаныхаа амралтыг эдэлж байгаа 47 ахмадаа хүндэтгэн хүлээн авав.

    Урилгыг хүлээн авч хүрэлцэн ирсэн ахмадууд ажиллаж хөдөлмөрлөж явсан үеэ дурсаж, найз нөхөд, хамт олонтойгоо уулзаж дурсамж дүүрэн яриа өрнүүлэн ахмадын өдрийг угтан сайхан өнгөрүүллээ. Улс эх орныхоо хөгжил цэцэглэлт, ирээдүй хойч үеийнхээ сайн сайхны төлөө залуу нас, халуун сэтгэлээ зориулан уйгагүй хөдөлмөрлөж, шаргуу зүтгэж ирсэн ахмадууддаа урт насалж, төр түмэндээ түшиг болж явахын өлзийтэй ерөөлийг  БТСУХ-оос өргөн дэвшүүлэв.