Намрын улирал эхлэхтэй зэрэгцэн шаргал навчис хөлд хөглөрч, сэрүүн салхи сэвэлзэх нь кинонд дурлагсдад хамгийн таатай мэдрэмжийг төрүүлдэг. Ийм үед халуун цайгаа шимж, хөнжилдөө тухлан сууж, кино үзэх шиг сайхан зүйл үгүй. Бид намрын улиралд үзэхэд тохирох таван киног танилцуулж байна.

My Oxford Year

Эмили нь Их Британид суралцах үеэрээ шинэ орчин, шинэ найз нөхөдтэй учирдаг. Гэвч тэндээ хайр дурлал, нөхөрлөл, хувийн сонголттой холбоотой төвөгтэй асуудлуудтай тулгарна. Джеймстай нөхөрлөж, түүний халамжтай, заримдаа төвөгтэй зан чанартай харилцааг мэдэрч эхэлдэг. Хайр дурлал, нөхөрлөл, уучлалын үнэ цэнийг мэдрэх, өнгөрснөөс суралцах тухай бодох боломжийг олгодог.

The Map That Leads to You

София өөрийн ирээдүйг эрэлхийлж, шинэ газар руу аялдаг бөгөөд энэхүү аяллын явцад Алекс гэх залуутай учирдаг. Тэд хамтдаа хайр дурлал, найз нөхдийн сорилттой тулгарч, хувь заяаг хэрхэн дагах вэ гэдгийг ойлгодог. Сэтгэл хөдөлгөсөн аялал, хайр дурлалын сорилт, ирээдүйгээ сонгох тухай өгүүлдэг.

Study Group

Майк, Лили нарын оролцдог оюутны бүлэгт сурлага, найз нөхдийн харилцаа, маргаан, хайр дурлал зэрэг олон үйл явдал өрнөдөг. Оюутнуудын үл ойлголцол, хамтдаа суралцахын үнэ цэнэ, найз нөхдийн итгэлцэл зэрэг нь тэдний хувийн өсөлт, харилцаанд хэрхэн нөлөөлж байгааг харуулдаг. Найз нөхдийн үнэ цэнэ, хамтдаа суралцахын ач холбогдлыг ойлгох, дотно уур амьсгалыг энэхүү кино өгүүлдэг.

Classic

 Энэхүү кино хайр дурлал, залуу нас, нөхөрлөлийн тухай гээд баялаг түүхийг өгүүлнэ. Чухам хэнийг ч буруутгаж болохгүй нөхцөл байдал, хоёр өөр цаг үед болж байгаа анхны хайрын түүхүүд. Хайр гэдэг заавал хамт амьдрах, хамт байх утга биш харин насан туршдаа зүрх сэтгэлдээ дурсан санах зүйл гэдэг эл киноны нэгэн хэлэх гэсэн санаа.