• Өнөөдөр 2026-11-19

Н.НОМТОЙБАЯР: Ерөнхийлөгчөө парламентаас хязгаарлагдмал эрхээр сонгодог тогтолцоо руу орохоос өөр аргагүй

2026-11-19,   158

             Монгол Улсын Ерөнхийлөгч У.Хүрэлсүх ажлаа өгөх хүсэлт гаргасантай холбоотойгоор Н.Номтойбаяр гишүүн байр сууриа илэрхийллээ.

         Тэрбээр “УИХ-ын сонгууль, Ерөнхийлөгчийн сонгуульд та саналаа өгсөн үү, үгүй юу харах боломж байхгүй. Та санал өгөхөөр очоогүй байхад таны өмнөөс өгчихсөн байхыг үгүйсгэхгүй.  Д.Амарбаясгаланг УИХ-ын дарга байхад даргын дэргэдэх зөвлөлийн хуралдаанаар улс төрийн намын удирдлагууд “Шударга нам байя. Шударга сонгууль явуулья” гэх асуудлыг ярьж байсан. Гэвч харамсалтай нь тухайн үед Ажлын хэсэг гараагүй. Сонгуулийн тогтолцоог эргэж харах цаг болсон. Үүнтэй холбоотойгоор нэг чухал үйл явдал өрнөж байгаа нь олны дунд яригдаад буй "Бодь" группын, Гашуун сухайт, Таван толгойн төмөр зам түүнтэй холбоотой санхүүгийн анхаарал татахуйц асуудал байгаа. Гэхдээ цөм нь энэ асуудал биш. 1990 оны “Ардчилсан хувьсгал”, 1992 оны “Анхны үндсэн хууль батлагдсан зэргээс хойш төрийн тогтолцоог эргэж харах цаг болсон. Засгийн газрын тогтворгүй байдал, Ерөнхийлөгч, Ерөнхий сайдын маргаанаас үүдэлтэй Засгийн газрын огцрох асуудал дахин давтагдана. Үүнийг бид өнгөрсөн 30 гаруй жил хангалттай харлаа. Тэгэхээр олон нийтийн оролцоотой, төрийн зөв тогтолцоог хэлэлцэх хэрэгтэй байна. Өчигдөр би мэдэгдэл дээрээ “Авлигал, хулгайд идэгдсэн Монгол төрийн аюулгүй байдал хөндөгдөж байна” хэмээн дурдсан. Яагаад ийм асуудал үүсээд байна, хэнд нь эрх мэдэл төвлөрөөд, хаана хараа хяналт сулраад, хэн нь бүгдийг удирдаад эхлэхээр ямар асуудал тулгарч байна сайн бодох хэрэгтэй. Хичнээн засгийн газар огцорчихов. Ерөнхийлөгчийн хувьд бүх зүйл хүслээр нь биелэлээ олохгүй, эрх мэдлийг нь хуваалцаад байхаар л асуудал үүсэж байгаа. Би Америкд улс төр судлаачаар сурсан ухаантай. Миний хувьд бид илүү сонгодог, төгөлдөржсөн парламентын засаглалаа хөгжүүлэх ёстой. Газар зүйн хувьд манай улс хоёр том их гүрний дунд байгаа. Улсынхаа язгуур эрх, тусгаар тогтнолыг хэвээр үлдээх хамгийн зөв шийдэл бол парламентын засаглал. Энэ суурь зарчмын хүрээнд Ерөнхийлөгчөө парламентаас хязгаарлагдмал эрхээр сонгодог тогтолцоо руу орохоос өөр аргагүй. Зарим хүн хоёр шатны парламент ч гэж ярьдаг. Эцсийн дүндээ Монгол Улсын язгуур эрх ашиг, үндэсний аюулгүй байдал, тусгаар тогтнолын баталгааг хангаж өгөх төрийн тогтолцоог эргэн харах цаг нь болсон. Үүнд л санаа зовж байна” гэв.

 


Н.НОМТОЙБАЯР: Ерөнхийлөгчөө парламентаас хязгаарлагдмал эрхээр сонгодог тогтолцоо руу орохоос өөр аргагүй
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2026-11-19 17:23:20
    Ddavaa: Echneen jil yariad San Seder shuu dee Nambolgon l yavdag Songuuli zarlahaas umne erh zuun orchnoo shinechleech 126 Tanariin shiideh hereg shuu dee End " Ard tumen"-eeree as uuh Yamar ch shaardlagagui gej bodoj baina
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188