• Өнөөдөр 2026-11-19

Өмгөөлөгч Ч.Өнөржаргал: ЦЕГ-ын мэдээлэл Б.Даваахүүгийн нэр хүндэд халдсан

2026-11-19,   147

Сэтгүүлч Б.Даваахүүгийн өмгөөлөгч Ч.Өнөржаргал өнөөдөр Цагдаагийн ерөнхий газрын мэдээллийн дараа сэтгүүлчдэд тайлбар өглөө. Түүний хэлснээр ЦЕГ нэр бүхий дөрвөн иргэнийг Эрүүгийн хуулийн 23.7 дугаар зүйлд заасан гэмт хэрэг үйлдсэн нь тогтоогдсон мэтээр мэдээлсэн нь түүний үйлчлүүлэгчийн хувь хүний болон сэтгүүлчийн нэр хүндэд халдсан гэж үзэж байна.

“Хэрэг хянан шийдвэрлэх ажиллагаа явагдаж, гэм буруугийн асуудал шүүхээр эцэслэн тогтоогдоно. Гэтэл мөрдөн шалгах ажиллагаа явж байхад гэм буруу нь тогтоогдсон мэтээр нийгэмд мэдээлэл өгч байгаа нь иргэний болон сэтгүүлчийн нэр хүнд, ажил хэргийн нэр хүндэд нь халдсан үйлдэл” гэж тэр хэллээ. 

Нийтийн албан тушаалтныг заналхийлсэн гэх хэрэг

Өмгөөлөгчийн хэлснээр Б.Даваахүүг Эрүүгийн хуулийн 23.7 дугаар зүйлд заасан нийтийн албан тушаалтныг заналхийлсэн гэмт хэргээр яллагдагчаар татсан байна. Мөрдөн шалгах ажиллагаа 2026 оны 9-р сард эхэлсэн бөгөөд Б.Даваахүүг 11-р сарын 5-нд ажлын байрнаас нь дөрвөн ажилтан авч явжээ. Өмгөөлөгч Б.Даваахүү энэ хэрэгт холбогдох боломжгүй, тэр буруутгалыг хүлээн зөвшөөрөөгүй гэж мэдэгдсэн. Түүний хэлснээр Б.Даваахүү гэмт хэрэгт хамтран оролцсон гэх хүмүүсийг мэдэхгүй бөгөөд тэднийг зөвхөн цагдан хорих 461 дүгээр ангид анх харсан гэнэ. Өмгөөлөгч одоогоор яллагдагчаар татсан тогтоолоос өөр хэргийн материалтай танилцаагүй тул хэргийн дэлгэрэнгүйг ярих боломжгүй гэв. Тэр Б.Даваахүүг цагдан хорихгүйгээр, гадуур шалгах бүрэн боломжтой гэж үзэж, хүсэлт, гомдлоо гаргасан байна.


Өмгөөлөгч Ч.Өнөржаргал: ЦЕГ-ын мэдээлэл Б.Даваахүүгийн нэр хүндэд халдсан
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188