Эргэлт.мн мэдээллийн сайт энэ удаагийн “Оюунт Монгол” буландаа "Even Tide" болон  "B.L.M.D" хамтлагийн дуучин, гитарчин, хөгжмийн найруулагч Д.Нямхүүг урьж оролцууллаа.

           “Миний хувьд бүгд л адил үнэ цэнтэй” хэмээн алийг нь ч нөгөөгөөс нь илүүтэй үнэлж, 1-10 хүртэл жагсаалгүйгээр уншигч, сонсогчдод санал болгосон түүний шилдэг 10 цомогтой танилцаж, тухлан саатахыг хүсье.

LORD HURON - Long Lost

Америкийн инди хөгжмийн урсгалын “Lord Huron” хамтлагийн дөрөв дэх студийн цомог. Нийт 16 дуунаас бүтсэн уг цомгийг “Lord Huron” хамтлаг “Republic Records”-т бичүүлж, 2021 оны тавдугаар сарын 21-нд сонсогчдын хүртээл болгосон юм.

MASSIVE ATTACK – Mezzanine

Английн электро хөгжмийн “Massive Attack” хамтлагийн гурав дахь студийн цомог. “Massive Attack” хамтлаг “Mezzanine” цомгоо “Circa Records” болон “Virgin Records” студид бичүүлж, 1998 оны дөрөвдүгээр сарын 20-нд цацсан байдаг. “Mezzanine” цомог нь электро, пост панк, хип хип хөгжмийг гоо зүйд нийцүүлэн зохицуулж чадсанаараа сонсогчдын дунд түгсэн бүтээлүүд нэг юм.

SYSTEM OF A DOWN – Toxicity

Армен-Америкийн хүнд металл "System of a Down" хамтлагийн хоёр дахь студийн цомог. Нийт 14 дуунаас бүтсэн уг студийн цомгийг "System of a Down" хамтлаг 2001 оны есдүгээр сарын 4-нд сонсогчдын хүртээл болгож байв.

RAGE AGAINST THE MACHINE – Rage Against the Machine

Америкийн нэрт рок хамтлаг “Rage Against the Machine”-ийн анхны студийн цомог. Нийт 10 дуунаас бүрдэх уг цомгийг зарим сонсогчид олон нийтэд цацагдсан оноор нь буюу “1992” ч гэж нэрлэх нь бий.

THE NOTORIOUS B.I.G - Ready to Die

Реппер “The Notorious B.I.G”-ийн анхны студийн цомог. 1994 оны есдүгээр сард сонсогчдын хүртээл болсон “Ready to Die” цомогт “Bad Boy”-ийг үндэслэгч Шон Комбс, Easy Mo Bee, Чаки Томпсон, DJ Premier, Лорд Финесс нарын бүтээлүүд багтсанаараа онцлог аж.

PORTISHEAD – Dummy

1994 оны наймдугаар сарын 22-ноос сонсогчдын хүртээл болсон “Dummy” цомог цацагдсан даруйдаа шүүмжлэгчдээс маш өндөр үнэлгээ авч, 1995 онд шилдэг цомогт олгодог Меркуригийн хөгжмийн шагналыг хүртэж байв. Английн электро хөгжмийн “Portishead” хамтлагийн “Dummy” цомогт 1990-ээд оны дуу хөгжмийн шилдэг цомгуудын нэгт зүй ёсоор багтдаг байна.

NUJABES & FAT JON - Departure

2004 онд “Manglobe” студийн бүтээсэн “Samurai Champloo” анимэн хөгжим. Уг хип хоп хөгжмийн найруулгыг өөр урсгалаар бүрдсэн дөрвөн хөгжмийн зохиолчийн баг бүтээсэн байдаг.

STRFKR - Miracle Mile

Америкийн инди рок “STRFKR” хамтлагийн дөрөв дэх студийн цомог. Нийт 15 дуунаас бүрдэх “Miracle Mile” цомог 2013 оны хоёрдугаар сарын 19-нөөс сонсогчдын хүртээл болсон юм.

THE BEACH BOYS - Pet Sounds

Америкийн рок “Beach Boys” хамтлагийн 11 дэх студийн цомог. 1966 онд цацагдсан даруйдаа асар их шүүмжлэлд өртөж байсан ч, “Billboard”-ын шилдэг 10 пянзны нэгт жагсаж байсан билээ.

BEI BEI & SHAWN LEE - Into The Wild