Энэтхэгт коронавирусийн халдвар ихсэж, АстраЗенека вакцины импортоо зогсоосон учир олон орон вакцины хомсдолд ороод байна. Тэгвэл НҮБ-ийн Хүүхдийн сангийн тэргүүн Их долоог дархлаажуулалт хэрэгтэй орнуудад вакцин хандивлахыг уриалжээ.

Ковакс хөтөлбөрийн хүрээнд энэ тавдугаар сард 190 сая орчим вакцины тун бусад улсад түгээгдэх төлөвлөгөөтэй байсан ч вакцины хомсдол үүсээд байна. НҮБ-ийн Хүүхдийн сангийн захирал вакциныг тэгш хуваарилах ёстойг анхааруулж, Их долоог ирэх гурван сард хүлээж авах вакциныхаа 20 хувийг бусад оронд хандивлавал 153 сая тунг нийлүүлэх боломжтой гэв.