Их Британид дархлаажуулалтын ажил эхэлснээр 12 мянган хүний амийг аварч, 30 мянган хүнийг хүндээр өвдөхөөс сэргийлсэн гэх судалгааг Английн Эрүүл мэндийн үндэсний төв гаргажээ. Их Британи насан хүрсэн иргэдийн гуравны хоёрыг дархлаажуулалтад хамруулаад буй бөгөөд 60-аас дээш насны 12 мянган иргэнийг нас барахаас урьдчилан сэргийлсэн гэж эрх баригчид мэдэгджээ. Английн Эрүүл мэндийн үндэсний төвийг захирал Мэри Рамсей “Дархлаажуулалтын ажлын хүрээнд олон хүний амийг аварчээ. Вакцин нь хүмүүсийг коронавирусийн улмаас хүндээр өвдөх, вирусээс урьдчилан сэргийлэх, хамгаалахад маш их нөлөө үзүүлж байгааг бид харж байна” гэв.

Их Британид 127 мянга гаруй хүн коронавирусийн улмаас нас бараад буй бөгөөд өнгөрсөн нэгдүгээр сард нэг өдөрт 1000 гаруй хүн халдвараар нас барж байв. Тэгвэл сүүлчийн сард нэг өдөрт нас барах хүний тоо арав руу буурсан байна.