АНУ-ын Ерөнхийлөгч Жо Байден “Дархлаажуулалтад бүрэн хамрагдсан иргэд амны хаалт зүүхгүй олон нийтийн газар явж болно” гэж мэдэгдлээ. Мөн нэмж “АНУ-ын хувьд гайхалтай өдөр болж байна” хэмээв.

Тус удирдамжийг зарлах үед эрх баригчид, хууль тогтоогчид амны хаалтаа авцгаажээ. Жо Байден, дэд ерөнхийлөгч Камала Харрис нар амны хаалтгүй цэцэрлэгт хүрээлэнгээр алхсан байна. Тус шийдвэр нь  АНУ-ын цар тахлын өмнөх хэвийн амьдрал руу шилжих том алхам боллоо гэж үзэж буй бөгөөд 12-15 насны хүүхдүүдийг вакцинд хамруулж эхэлснээр ЕБС-ийн сургуулиудыг нээх бүрэн боломжтой гэв.

АНУ-д коронавирусийн нэг өдөрт бүртгэгдэх халдвар өнгөрсөн есдүгээр сараас хойш хамгийн доод хэмжээнд очиж, нас баралт буурсан гэж мэдээллээ. Ерөнхийлөгч Жо Байден иргэддээ вакциныг хүчээр хийлгэх эрх байхгүй гэж мэдэгдэн “Дүрэн энгийн болоо. Дархлаажуулалтад хамрагдан амны хаалтаа авах, амны хаалтаа зүүх сонголт таных” хэмээн твиттертээ жиргэжээ.