Израиль Улсын нийслэл Иерусалим хотод үймээн дэгдэж байхтай зэрэгцэн газар дундын тэнгисийн Газа зурвас дахь Палестины цэргийн хүч Израиль руу 1000 гаруй пуужин харвасан гэнэ.

Энэ талаар Израилийн армийн хэвлэлийн төлөөлөгч Жонатан Конрикусын мэдээлснээр “Палестины цэргийн хүчнийхний Газын зурвасаас хөөргөсөн пуужингуудын 850 гаруй нь Израилийн хилийг давж, 200 орчим пуужин Газын зурваст эргэн унасан” байна.

Мөргөлдөөн эхэлснээс хойш Израилийн арми, Газын зурваст байрлаж буй Палестины арми ч их хэмжээний хохирол авчээ.

Изралийн армийн мэдээлж буйгаар Газын зурваст байрлаж байгаа Палестины ХАМАС хөдөлгөөний цэргүүд нисгэгчгүй онгоц ашиглан дайралт өгч байгаа юм.