Япон Улсад олныг хамарсан санал асуулгаар Олимпын наадмыг цуцлах санал 60 хувиар тэргүүлжээ. Тэгвэл тус улсын Ерөнхий сайд Ёшихидэ Суга “Олимпыг хэзээ ч нэгдүгээрт тавьж болохгүй” хэмээн мэдэгдлээ. Нэмж “Миний нэн тэргүүний зорилт бол иргэдийнхээ аюулгүй байдлыг хамгаалах явдал. Бид эхлээд халдвартай тэмцэх ёстой” хэмээжээ.

Япон Улс цар тахалтай тэмцэх үүднээс тавдугаар сарыг дуустал онц байдал зарлаад буй. Хэрэв коронавирусийн халдварын тархалтыг зогсоож чадвал Олимпын наадмыг зохион байгуулна хэмээн найдаж байна. Гэвч тус улсад вакцинжуулалтыг ажил удаашралтай байгаа бөгөөд чинээлэг орнуудын дунд хамгийн бага хувиар иргэдээ дархлаажуулаад буй аж.

“Ёмиура Шимбун” сонины явуулсан санал асуулгаар иргэдийн 59 хувь нь Олимпыг цуцлах хүсэлтэй байсан бол 39 хувь нь зохион байгуулах хэрэгтэй гэж үзсэн байна.

“TBS” сонины санал асуулгаар 65 хувь нь цуцлах эсвэл хойшлуулах хэрэгтэй, 37 хувь нь цуцлах хэрэгтэй, 28 хувь нь хойшлуулах хэрэгтэй гэж санал өгчээ. Олимпын цуцлах эсэх шийдвэрийг Токиогийн Олимпын хороо гаргана гэв.

Энэ жилий Олимпыг долдугаар сарын 23-наас наймдугаар сарын 8-ны өдөр хүртэл зохион байгуулахаар төлөвлөөд буй билээ.