Өнгөрсөн даваа гарагт БНХАУ-ын сансрын хүрээлэнгээс хөөргөсөн пуужин дэлхийн агаар мандлаас гарсны дараахан удирдлагагүй болсон тул дэлхий рүү эргэн унах аюул учраад буйг зарласан билээ. Тэгвэл тус пуужин АНУ-ын ойролцоо ирэх амралтын өдөр дэлхий дээр бууна хэмээн мэргэжилтнүүд таамаглаж буй бөгөөд АНУ-ын цэргийн хүчнийхэн тус удирдлагагүй болсон пуужинг буудах төлөвлөгөө боловсруулаагүй хэмээв. АНУ-ын Батлан хамгаалахын сайд Остин “Бид олон зүйлийг хийж чадах ч буудахаар төлөвлөөгүй. Удирдлагагүй болсон пуужин хэнд ч хор хөнөөл учруулахааргүй газар бууна гэж найдаж байна” гэжээ.

Тус 21 тонн жинтэй “Long March 5B”пуужин нь өнгөрсөн дөрөвдүгээр сарын 29-ны өдөр хөөрсөн бөгөөд хамгийн цаад талдаа ням гарагт Номхон далайд газардана хэмээн таамаглаж буй аж.