Австрали Улс ирэх долоо хоногоос Энэтхэг Улсаас ирэх иргэдэд тавьсан хоригоо цуцлана хэмээн тус улсын Ерөнхий сайд Скотт Моррисон мэдэгджээ.

Тэрбээр өнгөрсөн сард улсын аюулгүй байдлын үүднээс коронавирусийн халдвар эрчимжиж буй Энэтхэг Улсаас ирэх иргэдэд хориг тавьсан явдал олон нийт болон Энэтхэгт Улсад оршин суугаа иргэдээс хүчтэй шүүмжлэл хүртсэн билээ. Ерөнхий сайд Скотт Моррисон “Гуравдагч орноор дамжин ирэх гэж оролдсон иргэдэд торгууль болон хорих ял ногдуулна” хэмээн мэдэгдсэн юм. Тэгвэл тавдугаар сард Энэтхэг руу гурван удаа нислэг үйлдэж эмзэг бүлгийн 900 гаруй иргэнийг эх орондоо авчрахаар төлөвлөжээ. Австралийн судалгаагаар Энэтхэгт 9000 гаруй Австралийн иргэн оршин сууж байна гэж тооцоолжээ.