ОХУ-ын батлагдсан хоёр дахь вакцин болох “EpiVacCorona” вакцины үйлдвэрлэгчид гурав дахь тунгийн үйлчилгээг судлах ажилдаа орлоо хэмээн тус компанийн ахлах  мэргэжилтэн мэдээлжээ.

Тус вакцин нь хариу урвал багатай бөгөөд нэг болон хоёр дахь тундаа хамрагдсан сайн дурын иргэдэд эсрэг биет бүрэн суусан байна. Тийм хэдий ч гурав дахь тунгийн үйлчлэлийг судалж буй бөгөөд судалгаанд хамрагдаж буй сайн дурын иргэдэд сөрөг нөлөө илрээгүй хэмээжээ.

Тус вакциныг ОХУ өнгөрсөн намар хүлээн зөвшөөрсөн боловч вакциныг амьтад дээр турших болон нэг, хоёр дахь тунгийн тарилгын судалгааг нэмэлтээр хийжээ.