Өнгөрсөн баасан гарагт АНУ-ын Ерөнхийлөгч Жо Байден дэлхийн 40 гаруй удирдагчтай цахимаар чуулж, дэлхийн уур амьсгалын өөрчлөлтийн талаар хэлэлцсэн билээ.

Уг уулзалтын үеэр Жо Байден дэлхийн уур амьсгалын өөрчлөлттэй тэмцэхэд ОХУ-тай хамтарч ажиллахыг хүсэж буйгаа илэрхийлжээ.

Уг уриалгыг ОХУ-ын Ерөнхийлөгч Владимир Путин нааштай хүлээж авч, “Дэлхийн уур амьсгалын өөрчлөлт болон бусад асуудалд үр дүнтэй шийдэлд хүрэхийн тулд олон улсын хамтын харилцааг эрхэмлэхийг чин сэтгэлээсээ хүсэж байна” хэмээн  мэдэгдсэн байна.

Мөн тус уулзалтын үеэр Жо Байден “Бидэнд дэлхийн уур амьсгалын өөрчлөлттэй тэмцэхэд арван жил байна. 2030 он гэхэд агаарын бохирдлыг 2005 онтой харьцуулахад 50-52 хувь бууруулна” хэмээн амласан юм.