Энэтхэг Улсад сүүлчийн саруудад коронавирусийн халдвар эрчимжиж байгаа билээ. Тэгвэл Дели хотын эмнэлэгт эмнэлгийн ор хүрэлцээгүй болж, хүчилтөрөгчийн хангамж дууссан хэмээн мэдээлжээ. Эрчимт эмчилгээний тасагт үйлчлүүлэгчдийн тоо их байгаа бөгөөд хэд хэдэн хүн хүчилтөрөгчийн хангамж хүлээж байхдаа нас барсан байна. Тус улсад коронавирусийн халдвараар өвчилсөн хүмүүсийн тоо 16 сая давсан бөгөөд өнгөрсөн пүрэв гарагт хамгийн их тохиолдол буюу 300 гаруй мянган хүнээс коронавирусийн халдвар илэрчээ.