Индонез Улсын тэнгисийн цэргийн хүчний 53 хүн тээвэрлэж явсан шумбагч онгоц Бали арлын ойролцоо сураггүй алга болжээ.

Тус улсын цэргийн дарга  Хади Тжахжанто өнгөрсөн лхагва гарагт “KRI Nanggala 402 бэлтгэлийн онгоц бэлтгэл сургуулилт хийх явцдаа Балигаас зүүн хойд зүгт 95 км зайд усанд шумбаж алга боллоо” хэмээн мэдээлсэн байна.

Тус онгоцыг олохын тулд олон хөлөг онгоцыг илгээгээд буй бөгөөд Сингапур, Австрали зэрэг улсаас тусламж хүссэн байна. Тэнгисийн цэргийнхэн уг онгоц шумбах үед цахилгаан тасарч, догдол үүсэн яаралтай тусламж хүсэх боломжгүй болсон хэмээн таамаглаж байгаа аж. Уг онгоц тэнгисийн 600-700 метр гүнд живсэн байх гэв.