ОХУ-ын Кремлийн шүүмжлэгч Алексей Навальныйг суллахыг шаардаж хэдэн арван мянган дэмжигчид ахин жагсжээ.

Өнгөрсөн долоо хоногт шоронд хоригдож буй Алексей Навальныйгийн биеийн байдал улам муудсан хэмээн мэдэгдсэн билээ. Навальныйг новичокоор хордуулсны улмаас гар, хөл нь мэдээгүй болсон бөгөөд зохих эмчилгээ хийлгэхийн тулд гурав дахь долоо хоногтоо өлсгөлөн зарлаад байна.

Москва хотын талбайд 6000 гаруй хүн цугларсан бөгөөд үүний дараа Санкт-Петербург хотод 4500 гаруй хүн цугларч улсын хэмжээнд 14000 гаруй хүн эсэргүүцлийн жагсаалд оролцож байна гэж цагдаагийн газраас мэдэгджээ. Харин хараат бус хэвлэлийн мэдээ уг тооноос их хүн цугларсан гэж мэдээлж байна.

Одоогоор ОХУ-ын 64 хотод нийт 1496 хүн саатуулагдаад байгаа аж.