Гурав дахь долоо хоногтоо шоронд өлсгөлөн зарлаж буй Кремлийн шүүмжлэгч Алексей Навальныйн биеийн байдал маш муу байгаа төдийгүй эмнэлэгт хүргэх хэрэгтэй хэмээн эмч нь мэдэгджээ.

Гэвч уг мэдэгдлийн дараа шоронгийн удирдагч нар эмчтэй нь ахин уулзахыг хорьсон байна. Алексей Навальныйг новичокоор хордуулсны улмаас гар, хөл нь мэдээгүй болж, нуруу нь өвдсөн ч шоронгийн удирдагч нар түүнд зохих эмчилгээ хийгээгүйн төлөө өлсгөлөн зарлаад буй. Өнгөрсөн долоо хоногт түүний биеийн байдал муудаж эмч нар “хэзээ ч үхэж мэдэх байна” хэмээн мэдэгдсэн бөгөөд одоогоор босож, суух, ярихад хүндрэлтэй байгаа аж.