Чад Улсын Ерөнхийлөгч Идрисс Деби фронтод нас барлаа хэмээн түүний армийн хэвлэлийн төлөөлөгч өнөөдөр мэдэгджээ. Тэрээр Ерөнхийлөгчийн сонгуульд ялалт байгуулсныхаа маргаашийн өдөр нас баржээ.  

Одоогоор түүний үхлийн шалтгаан тодорхойгүй байгаа аж. 68 настай Идрисс Деби 1990 оноос төрийн тэргүүн болсон бөгөөд Африкийн хамгийн удаан төр барьсан удирдагчдын нэг юм. Тэрбээр энэ удаагийн сонгуульд ялалт байгуулснаар Чад Улсын Ерөнхийлөгчөөр зургаа дахь удаагаа сонгогдоод байжээ.