АНЭУ-ын нийслэл Дубай хотын барилгын тагтан дээр нүцгэн зургаа авахуулж байгаа орос, украйн эмэгтэйчүүдийн дүрс бичлэг өнгөрсөн долоо хоногт цахим сүлжээгээр цацагджээ. Үүнтэй холбоотойгоор Дубайн цагдаагийн байгууллагаас садар самуун сурталчилсан хэргээр дээрх эмэгтэйчүүд болон зохион байгуулсан гэх нэг эрэгтэйг баривчилсан байна

Нүцгэн зураг авалтыг зохион байгуулсан гэх нэг эрэгтэйд 1.6 жилийн хорих ял төлөвлөсөн талаар ОХУ-ын хэвлэлийнхэн мэдээлж байгаа бөгөөд тус зураг авалтад украйны 11 эмэгтэй, оросын 10 орчим эмэгтэй багтсан гэнэ.

Исламын шашны хуультай АНЭУ-д "Олон нийтийн газар садар самуун сурталчилсан бол жуулчид ч байсан ялгаагүй хатуу шийтгэл хүлээх ёстой"-г Дубайн цагдаагийн байгууллагаас мэдээлсэн байна.

Одоогоор Украйн Улсын Консулын алба баривчлагдсан эмэгтэйчүүдтэй уулзахаар төлөвлөөд байгаа бөгөөд АНЭУ-ын хуулиар садар самуун сурталчилсан эмэгтэйчүүдийг зургаан сар хүртэлх хорих, 1000 ам.доллартой тэнцэх хэмжээний мөнгөн торгууль оноох гэнэ.

Эх сурвалж: BBC