Өнгөрсөн хоёрдугаар сарын 1-ны өдөр эхэлсэн Мьянмарын төрийн эргэлтийг эсэргүүцэх жагсаалд нийт 43 хүүхэд цэргийн хүчнийхний гарт амиа алджээ хэмээн хүний эрхийн байгууллага мэдээлжээ. Мьянмарын иргэд Ардчиллынхаа төлөө тэмцсээр байгаа бөгөөд хамгийн залуу нь зургаан настай хүүхэд халдлагад өртөж амиа алдав. Жагсаал эхэлснээс хойш 536 хүн цэргийнхний халдлагад өртөж нас барсан бөгөөд өнгөрсөн бямба гарагт нэг өдөрт зуу гаруй хүний аминд хүрээд байна.

НҮБ-ийн тусгай элч “Цэргийн хүчнийхэн ахин иргэд рүү халдах гэж байна” хэмээн мэдээлээд байгаа билээ. НҮБ Мьянмарт ажиллаж буй элч нарынхаа ар гэрийнхнийг тус нутгаас гарахыг хүссэн боловч тэд эх орондоо үлдэх шийдвэр гаргаад байна.