АНУ-ын Калифорни мужийн “Оранж” барилгын нэгэн оффист зэвсэгт этгээд дөрвөн хүний амийг хөнөөж, нэг хүнийг шархдуулсан хэрэг гарсан байна. Амиа алдсан хохирогчдын дунд насанд хүрээгүй хүүхэд байжээ. Цагдаа нар гэмт этгээдийг баривчилсан боловч одоогоор халдлага үйлдсэн шалтгаан нь тодорхойгүй байна гэв.

Цагдаагийн дэслэгч Женнифер Амат “Цагдаагийнхан очихдоо гэмт этгээдийг буудсан бөгөөд одоогоор биеийн байдал нь тодорхойгүй байна. Цагдаа нарыг ирэхэд хохирогчид аль хэдийн нас барсан байсан” гэжээ.  

Эх сурвалж: Guardian