Франц Улсын Ерөнхийлөгч Эммануэль Макрон коронавирусийн гурав дахь давлагаанаас сэргийлж, гурван долоо хоногийн турш улс даяар хөл хорио тогтоож, сургуулиудыг хаах шийдвэр гаргажээ.

Франц Улсад вакцинжуулалт удааширч байгаа бөгөөд коронавирусийн улмаас амиа алдсан хүмүүсийн тоо 100 мянгад дөхөж буй тул ийнхүү шийдвэр гаргасан байна.

Ерөнхийлөгч Эммануэль Макрон “Бид одоо л хөдлөхгүй бол оройтно” гэжээ.

Сургууль, цэцэрлэгийн үйл ажиллагааг хязгаарлаж, эхний долоо хоног алсын зайнаас хичээллэж, үлдсэн хоёр долоо хоногт амраах шийдвэр гаргасан байна.