Мьянмарт өнгөрсөн бямба гарагт төрийн эрх баригчдыг буулгаж, төрийн эргэлт хийсэн цэргийн дарга Мин Аун Хлаинг эсэргүүцсэн 114 энгийн иргэн нэг өдөр амиа алдсан юм. Гэтэл энэ өдөр буюу өнгөрсан бямба гарагийн орой цэргийн дарга Мин Аун Хлаинг  өөрийн цахим сүлжээндээ Зэвсэгт хүчний баярыг тохиолдуулан эрвээхий зангиатай, медалиар гоёсон хүрэм өмсөж, тансаг оройн зоог барьж буй зургаа нийтэлжээ. Уг баярын өдөр нь Дэлхийн II дайнд Хунтагийн цэргүүд Японы эзлэн түрэмгийллийг няцаасан түүхэн өдөр аж. Цэргийнхэн нь гудамжинд 114 гэмгүй иргэний амийг хөнөөж, олон мянган иргэд Тайланд руу дүрвэж байхад Мин Аун Хлаинг олон нийтийн дунд тансаг зоог барьж, баяр тэмдэглэж буй нь олны дургүйцлийг хүргээд байна.