H&M, Nike зэрэг барууны томоохон брэндүүд Хятадын Шинжаан дахь хөвөнгийн үйлдвэрт Уйгаруудыг албан хөдөлмөр эрхлүүлж буй талаар асуудалд санаа зовж буйгаа илэрхийлэхэд Хятадын иргэд тус брэндүүдийг бойкотолж эхэллээ.

H&M брэнд Шинжаанд үйлдвэрлэсэн хөвөнг худалдаж авахаас татгалзсаны дараа Weibo сүлжээнд H&M брэндийг бойкотлохыг уриалсан байна.

Мөн барууны Nike, Calvin Klein, Adidas, Tommy Hilfiger, Uniqlo, Converse, Puma зэрэг брэндийг бойкотолж, Хятадын алдартнууд тус брэндүүдтэй хийсэн гэрээгээ цуцлаад буй аж.

Барууны орнууд Уйгаруудыг албан хөдөлмөр хийгэж байна хэмээн Хятадыг буруушааж, хориг арга хэмжээ авч байгаа билээ. Харин Хятадууд үүнийг эсэргүүцэн  цахим сүлжээгээр “Бид Шинжааныг дэмжинэ” гэсэн уриан дор нэгдээд байна.