Ангараг гарагт баригдах таван хотын архитектурын шийдэл бэлэн болсон бөгөөд нийслэлийг нь Нюва хэмээн нэрийдэх аж. Тэгвэл архитектурын шийдлийг гаргаж буй “ABIBOO” компани Нюва хотын анхны зургийн танилцуулжээ.

Нюва хот нь Ангараг гарагийн усны нөөц ихтэй газар баригдах бөгөөд цацраг идэвхит туяанаас оршин суугчдаа хамгаалах үүднээс хадан цохионд байрлах аж. Ангараг гарагт хүчилтөрөгч үүсгэх зориулалтаар ногоон байгууламж ихтэй байхаар шийджээ. Ангараг гарагийн иргэд хоол хүнснийхээ хэрэгцээний 90 хувийг ургамлын гаралтай бүтээгдэхүүнээр хангах бөгөөд эрчим хүчээ нарны зайн хураагуураар гарган авахаар төлөвлөжээ.