Австрали Улсын парламентын гишүүд туслахдаа бэлгийн хүчирхийлэл үзүүлсэн гэх дуулианы дараа Төрийн ордонд үйлдсэн ёс бус үйлдэл бүхий бичлэгүүд задарчээ.

Ерөнхий сайд Скотт Моррисон уг бичлэгийг “цочирдом хийгээд гутамшигтай” хэмээн тодорхойлсон бөгөөд эмэгтэй эрх баригчдын эрхийг хамгаалж, улс төрд татахын тулд чадах бүхнээ хийхээ амласан байна.

Уг бичлэгт парламентын эрэгтэй гишүүн эмэгтэй эрх баригчийн ширээн дээр гар хангалга үйлдэж буй нь задарсан бөгөөд уг явдал олон нийтийн дургүйцлийг хүргээд байна.

Парламентын ордны ажилтан Бриттани Хиггинс 2019 оны гуравдугаар сард дээд албан тушаалтан нь хүчирхийлсэн хэмээн сарын өмнө мэдэгдсэний дараа уг бичлэгүүд ил болов. Түүний мэдэгдлийн дараа Австрали Улс даяар эмэгтэйчүүдийн эрхийн төлөө, бэлгийн хүчирхийллийн эсрэг тайван жагсаал өрнөсөн билээ.

Тэрбээр  “Би ажлаасаа халагдах вий гэж их айдаг байсан. Энэ тухай цагдаад мэдэгдэхгүй байхыг шаарддаг байсан” хэмээн ярьсан байна. Мөн парламентын гишүүд Төрийн ордонд биеэ үнэлэгчид оруулж ирж, мөргөлийн өрөөнд бэлгийн харьцаанд ордог байсан тухай олонд дэлгэжээ. Энэхүү бичлэгийн дараа гишүүний нэг туслахыг ажлаас нь халсан бөгөөд бусад гишүүдийг шалгаж байгаа аж.