АНУ-ын Сан Франциско хотод 75 настай Ази гаралтай америк эмэгтэйг нэгэн залуу цохиж, эмнэлэг рүү хүргэсэн хэрэг гарчээ. Саяхан Атланта хотод зургаан ази эмэгтэйг арьс өнгөний үзлээс үүдэн буудаж хөнөөсөн хэрэг гарсан билээ. Энэ хэргийн дараа улс даяар эргүүлээ нэмсэн ч Азиудыг үзэн ядах, ялгаварлан гадуурхах үзлээс үүдсэн гэмт хэрэг гарсаар байна.  

Ази гарлаас нь болж үзэн ядсаны улмаас эмэгтэйг зодсон байна. Энэхүү хэрэг нь видеонд үлдсэн төдийгүй дамнуургад хэвтэхдээ “Хөөе чи, яагаад намайг цохисон юм бэ” гэж Хятадаар хэлжээ.

Хохирогч Сяо Чжен Сие “маш их цочирдож, айсан” хэмээн CBS агентлагт ярилцлага өгсөн байна. Хохирогчийн царай хавдаж, нэг нүд нь харахгүй байгаа аж.