АНУ-ын Атланта хотод  зэвсэгт этгээд найман хүнийг буудаж хөнөөсөн хэрэг өнгөрсөн мягмар гарагт гарчээ. Нас барсан хүмүүсийн зургаа нь Ази гаралтай эмэгтэй байсан бөгөөд энэхүү хэрэг нь азичуудыг үзэн ядах, гадуурхах үзлээс үүдсэн байна. Өнгөрсөн жилээс буюу коронавирус Ази тивээс гарсан гэсэн үндэслэлээр азичуудыг үзэн ядах үзэл гаарч, гэмт хэргийн шинжтэй хэргүүд гарсаар байна.

Хууль тогтоогчид Ази гаралтай америкчуудыг үзэн ядах явдал хэтэрч,  “хямралын цэгтээ” хүрсэн гэжээ.

Нью Йоркийн Ардчилсан намын гишүүн Грэйс Мэн “Бид шаналж байна. Сүүлийн жилийн хугацаанд бид тусламж хүсэж, хашхирсан” гэв.

Гэмт хэрэгтэн 21 настай Лонг найман зүйл ангиар шалгагдаж байгаа бөгөөд мэдүүлэгтээ өөрийгөө бэлгийн донтолттой гэсэн бөгөөд “уруу татах” үүднээс хохирогчдыг спа руу аваачиж, бэлгийн харилцаанд орохоос татгалзсан нь арьс өнгөөр ялгаварлах сэдэл болсон гэжээ.