Олон улсын “Global Burden of Disease” судалгааны газрын “Lancet” сэтгүүлд нийтлэгдсэн сүүлийн үеийн судалгаагаар 2021 оны байдлаар дэлхийн 61.8 сая орчим хүн аутизмын хүрээний эмгэгтэй байгаа талаар дурджээ. Судалгаанд онцолсон 2021 оны аутизмын хүрээний эмгэгтэй иргэдийг 2019 оны үетэй харьцуулбал, дэлхийн 127 хүн тутмын нэг нь аутизмтай байгаа гэсэн дүр гарсан байна.

Мөн судалгаанд дурдсанаар аутизмын эмгэгтэй хүмүүс нь нийгмээс тусгаарлагдах, сургууль болон ажлын байрны сорилттой тулгарах өндөр эрсдэлтэй бөгөөд насанд хүрсэн үедээ ч нийгэм-сэтгэлзүйн дэмжлэг шаардлагатай байдаг. Түүнчлэн залуу үеийнхэнд тулгарч буй үхлийн аюулгүй эрүүл мэндийн асуудлын нэг нь аутизм болжээ. Иймд тус эмгэгийг эрт үед нь илрүүлж, насан туршийн дэмжлэг туслалцаа үзүүлснээр хожмын сөрөг үр дагаврыг дорвитой хэмжээнд бууруулах магадлал нэмэгдэхийг мөн онцолжээ.

      Аутизмтай хүмүүс оюуны чадвар сайтай ч нийгэмших чадвар султай учраас 10 хувь нь ажил хийдэг, таван хувь нь найзтай ба гэр бүлтэй байдаг. Энэ нь аутизмтай хүмүүс амьдралын чанар маш доогуур байна гэсэн үг аж. Аутизмын эмгэг нь хүний бие физиологи, оюуны чадамж, нийгмийн харилцаанд орох чадвар болон хэл ярианы чадварт нөлөөлдөг. Эрдэмтэд аутизмын эмгэгийн гол шалтгаан нөхцөлийг өнөөдрийг хүртэл эцсийн байдлаар тогтоогоогүй бөгөөд хэд хэдэн шалтгаан байх боломжтой гэж үздэг байна.