БНСУ-ын Ерөнхийлөгч Юн Сок Ёол өнгөрсөн орой Өмнөд Солонгос даяар цэргийн онц байдал зарласан. Тухайлбал,  Ерөнхийлөгч Юн Сок Ёол “Сөрөг хүчний удирдлагууд нууцаар хуйвалдан төрийн эсрэг ажиллагаа зохион байгуулж, бослого гаргахаар төлөвлөж байна” хэмээн мэдэгдэж, онц байдал зарласнаар цэргийн хүчин, танк, хуягтууд нийслэл Сөүл хот руу орж, сөрөг хүчнийн намын байр, хэвлэл мэдээллийн хэрэгслүүдийн байранд хамгаалалтад гараад байсан билээ. Харин тус улсын Үндэсний Ассамблейн дарга Ву Сон Сик цэргийн онц байдлыг цуцлах тогтоол гаргаж, парламентын 190 гишүүн дэмжсэнээр Ерөнхийлөгчийн тогтоосон онц байдлыг дөрвөн цагийн дараа цуцалснаар нөхцөл байдал намжсан.

Тэгвэл сөрөг хүчнийг хардан “тодорхой шалтгаан”-гүйгээр онц байдал тогтоосон БНСУ-ын Ерөнхийлөгч Юн Сок Ёолыг огцрохыг шаардан Сөүлд хотын төвд хэдэн мянган иргэн цуглаж, эсэргүүцлийн жагсаал зохион байгуулж байна.