АНУ-ын Калифорни мужийн Камарилло хотоос эхэлсэн түймэр ойролцоох хотууд руу тархжээ. Тухайлбал, Санта-Ана гэх хуй салхи түймрийг өдөөж, Камарилло хот болон түүний зэргэлдээх Мурпарк орчмын нутагт гал дэгдэж, 20 мянган акр газрыг хамарсан байна. Санта-Ана хар салхины хүч цагт 100 километрт хүрч, түймрийг өдөөж буй бөгөөд үүнтэй холбоотойгоор хоёр хотод олон тооны барилга, байгууламж сүйдээд байгаа аж.

Одоогийн байдлаар түймрийн улмаас амиа алдсан тохиолдол бүртгэгдээгүй. Галд өртөж шархадсан хүмүүст тусламж үзүүлэх, эмнэлгийн байгууллагад хүргэх ажиллагаа зохион байгуулж байгаа талаар мужийн Онцгой байдлын албанаас мэдэгдээд байна.