Индонезийн Зүүн Нуса Тунгара мужид оршдог Левотоби Лаки-Лаки гэх гал уул дэлбэрчээ. Галт уулын дэлбэрэлт өнгөрсөн шөнө болсон бөгөөд 2000 метрийн өндөрт үнс, нурам цацсан байна. Түүнчлэн галт уулын дэлбэрэлттэй холбоотойгоор ойролцоох суурин, тосгонуудад түймэр гарч, 14 тосгоны 10 мянга гаруй хүнийг нүүлгэн шилжүүлээд байгаа аж.

Мөн дэлбэрэлттэй холбогдуулан Индонезид 10 орчим нисэх онгоцны буудлыг хаажээ. Тодруулбал, Индонезийн Гамшгаас хамгаалах үндэсний агентлагаас "Зүүн Нуса Тэнгара мужийн Сикка хотын Фрэнсис Ксавьер Седа нисэх онгоцны буудлыг түр хугацаагаар хаалаа" хэмээн мэдэгдсэн бөгөөд ойролцоох мужуудад ч нисэх онгоцны буудлыг үйл ажиллагааг тодорхойгүй хугацаагаар зогсоогоод байгаа юм байна.