Технологийн салбарын тэргүүлэгч “Apple” компани ирэх есдүгээр сарын 9-нд хэвлэлийн хурал зохион байгуулж, шинэ бүтээгдэхүүнүүдээ албан ёсоор танилцуулахаа мэдэгдсэн. Тухайлбал, ирэх сарын 9-нд болох хэвлэлийн хурлаар “Apple” брэндийн шинэ “iPhone 16” гар утас, “Apple Watch” ухаалаг цаг зэрэг бүтээгдэхүүнийг танилцуулах төлөвтэй байгаа бөгөөд үйл ажиллагааг тус компанийн албан ёсны цахим хуудас, “Youtube” хуудсаар шууд дамжуулна.

                 Технологийн салбарын шинжээчид болон “Bloomberg” агентлагийн мэргэлжилтнүүдийн таамаглаж буйгаар “iPhone 16” шинэ загварын гар утас нь өмнөх загваруудаасаа дэлгэц, шинэчилсэн камер, шинэ өнгөний сонголттой байж магадгүй гэнэ. Харин “Apple”-ийн өмсөж, зүүдэг төхөөрөмжүүд шинэ төрлийн хурдан чиптэй болох юм байна.

Мөн “Apple” компани брэндийнхээ шинэ бүтээгдэхүүнүүдээс гадна “iPhone”-ийн программ хангамжийн хамгийн сүүлийн үеийн хувилбарыг танилцуулдаг. iOS 18 гэж нэрлэх энэ жилийн хувилбарт зурвасуудыг хураангуйлах, эгдүүтэй зураг үүсгэх зэрэг өдөр тутмын хэрэглээнд зориулсан хиймэл оюун ухааны функцүүдийг агуулсан “Apple Intelligence” багтах ажээ. Тэгвэл уншигч танд удахгүй албан ёсоор танилцуулагдах “iPhone 16” гар утасны өөрчлөлт, шинэчлэлтийн талаар технологийн салбарын шинжээч, мэргэжилтнүүдийн бичсэн таамгийг хүргэж байна.

ҮНЭ:

Өнгөрсөн жил “iPhone 15” загварын гар утас нээлтээ хийж байхад технологийн салбарын аналистууд үнэ нь өснө гэж таамаглаж байсан ч “iPhone 15 Pro Max” загвараас бусад загварт өөрчлөлт ороогүй. Харин энэ жилийн тухайд “Өнгөрсөн жилийнх шиг үнэ нь өсөхгүй” гэж бодож байвал алдас болно гэнэ. “Apple”-ын дотоод эх сурвалжийн мэдээлснээр “iPhone 16” загварын гар утасны үнэ өмнөх загваруудаасаа өсөж гарч ирэх юм байна.

ДИЗАЙН:

“iPhone 16 Pro” болон “iPhone 16 Pro Max”-ийн дизайн төдийлөн өөрчлөгдөхгүй байж болзошгүй.  Учир нь,  “Apple” “iPhone 15 Pro”-д оруулсан өөрчлөлтдөө сэтгэл хангалуун байгаа бололтой. Гэсэн хэдий ч “iPhone 16 Pro” болон “iPhone 16 Pro Max” нь шинэ “Capture” товчлууртай болж байгаа бололтой.  Стандарт “iPhone 16” загвар нь бүдэг ягаан, шар, ногоон, цэнхэр өнгөтэй байж магадгүй. “IPhone 16 Pro” дахин титан ашиглах бөгөөд энэ удаад "Цагаан титан" хэмээх шинэ өнгө гарч магадгүй гэнэ. “Apple” мөн “iPhone 16”-ийн микрофонуудыг  сайжруулж байгаа гэсэн мэдээлэл байна.

ДЭЛГЭЦ:

“iPhone 16 Pro” загваруудын дэлгэцийн хэмжээнд зарим өөрчлөлт орж магадгүй. Гэсэн хэдий ч “iPhone 16”-ийн стандарт хувилбарууд хэвээр байна. “iPhone 16 Pro”-ийн дэлгэцийг одоогийн 6.1 инчээс 6.3 инч хүртэл нэмэгдүүлж магадгүй гэнэ. “Apple”-ийн хүрээг багасгах боловч бодит давуу тал нь Pro загваруудад илүү тод харагдах аж. Apple компани дэлгэцийн эргэн тойрон дахь хар хүрээний хэмжээг багасгах боломжийг олгодог “Border Reduction Structure” (BRS) хэмээх шинэ дэлгэцийн технологийг ашиглаж байгаа тухай мэдээлэл гарчээ.

БАТЕРЕЙ:

“iPhone 16” болон “iPhone 16 Pro Max” нь өмнөх загвараасаа илүү том батерейтай байж магадгүй гэнэ.”Pro Max” загвар нь L хэлбэрийн батерейны загвар ашиглахаа больж, “iPhone 16, 16 Plus”-тай адил тэгш өнцөгт хэлбэртэй болно.