Боливарын Бүгд Найрамдах Венесуэль Улсын Ерөнхийлөгчийн сонгуулийн санал хураалт өнгөрсөн амралтын өдрүүдээр болж өнгөрсөн. Тухайлбал, Венесуэлийн ээлжит Ерөнхийлөгчийн сонгуульд одоогийн Ерөнхийлөгч Николас Мадуро ялалт байгуулжээ. Харин сонгуулийн үр дүн гарсны дараа венесуэльчууд нийслэл Каракас хотод эсэргүүцэн жагсаж, бослого дэгдээн хүчнийхэнтэй мөргөлдсөн байна. Орон нутгийн хэвлэлийн мэдээлснээр цагдаа, цэргийн хүчнийхэн иргэдийн эсрэг резинэн сумтай буу, нулимс асгаруулагч хий ашиглажээ. Улмаар эрх баригчид Венесуэлийн нийслэлд бэлэн байдал зарласан бөгөөд тус улсаас гарах, орох олон улсын нислэгүүдийг цуцлаад байгаа аж.

Ташрамд дурдахад, сая болж өнгөрсөн сонгуульд ялалт байгуулсан одоогийн Ерөнхийлөгч Николас Мадуро Венесуэлийн төрийн тэргүүнээр 11 дэх жилдээ ажиллаж буй. Венесуэльчууд Николас Мадурог улс орны эдийн засаг, хямралын гол үндэс гэж буруутгадаг бөгөөд сонгуулийн санал хураалтад гаднаас нөлөөлж, ялалт байгуулсан гэж үзэн эсэргүүцэж байгаа юм байна.