Бүгд Найрамдах Бангладеш Ард Улсын Засгийн газрыг эсэргүүцэн иргэд жагсаал зохион байгуулж байгаа. Тэгвэл тайван үргэлжилж байсан эсэргүүцлийн жагсаал өнгөрсөн шөнө хурцадмал байдалд шилжиж, хүчнийхэн болон их, дээд сургуулийн оюутнуудын дунд мөргөлдөөн гарчээ. Мөргөлдөөний улмаас 150 гаруй хүн амиа алдсан талаар эрх баригчид мэдээлээд буй бөгөөд нийслэл Дака хотын эмнэлэг, яаралтай тусламжийн төвүүд ачаалалтай ажиллаж байгаа гэнэ. Түүнчлэн эсэргүүцлийн жагсаал оюутнуудыг тэргүүлж байсан их сургуулийн оюутны мэдэгдсэнээр тайван жагсаалд цагдаагийн алба хаагчид хүч түрэн орж ирж, жагсагчид руу гал нээсэн аж.

Бангладешийн иргэд дөрөв дэх удаагаа сонгогдоод буй Ерөнхий сайд Шейх Хасинад болон түүний Засгийн газрыг эсэргүүцэн жагсаж буй. Харин жагсаалтай холбоотойгоор тус улс даяар интернэтийн сүлжээ таслаад байсан бол хууль, хүчнийхэн, жагсагчдын мөргөлдөөний улмаас онц байдал тогтоогоод байна. Одоогийн байдлаар томоохон дэлгүүр, супермаркетууд, олон нийтийн үйл ажиллагааг зогсоож, Дака хотын гудамжинд армийн хяналт гаргаад байгаа гэнэ.