Зүүн Европт ОХУ, Украины дайны фронтын тулаан ширүүсэж, Оросын арми хэд хэдэн тосгон эзэлжээ.

                            Тухайлбал, Оросын арми өнгөрсөн 48 цагийн хугацаанд Украины Днепр, Белгород зэрэг хот руу 44 дайралт хийсэн байна. Украины Зэвсэгт хүчний Жанжин штабаас дайралтуудын дийлэнхийг нь няцааж чадсан гэж мэдэгдсэн ч Днепр хотод баллистик пуужингийн улмаас долоон хүн шархдаж, Белгород хот руу хийсэн газрын дайралтад нэг хүн амиа алдаж, есөн хүн шархадсан аж. Түүнчлэн Харьковын ойролцоох Купянск дүүрэг, Степова Новоселивка зэрэг газарт тулаан ширүүссэн. Улмаар Украины цэргүүд ухрахаас өөр сонголтгүй болсонтой холбоотойгоор Оросын арми Новопокровский, Степова Новоселивка зэрэг дөрвөн тосгоныг эзэлсэн гэнэ. Мөн Украины албаны хүмүүс тулаан ширүүсэж, мөргөлдөж байгаа газруудад цахилгаан тасарч, усан хангамжийн нөөцгүй болж байгаа тухай мэдэгдсэн байна.

Харин Украины талаас ОХУ-ын Белгород хот руу цохилт өгөөд буй бөгөөд Украины армийн дайралтын улмаас нэг хүн амиа алдаж, есөн хүн хүнд шархадсан талаар тус хотын захирагч Вячеслав Гладков мэдээлжээ.